Cynghorwr Gofal Cwsmeriaid

Job description

Rhif Cais y Swydd 9233 Math o Waith Parhaol Swyddogaeth y Swydd Gwasanaethau Cwsmeriaid Cwmpas Cyflog £30,555.00 Lleoliad Nelson Depot Dyddiad cau ceisiadau Dydd Mercher, 16 Medi 2026 - 23:59 Beth fyddwch chi’n gyfrifol amdano Fel Cynghorwr Gofal Cwsmeriaid, byddwch yn rhan o dîm sy'n rhoi profiad o'r radd flaenaf i gwsmeriaid ar draws sianeli gwasanaeth llafar. Byddwch yn cymryd perchnogaeth o ymholiadau cymhleth, cwynion, uwchgyfeiriadau a cheisiadau rheoleiddio, gan sicrhau bod pob mater yn destun ymchwiliad llawn, a bod ei achos sylfaenol yn ddealladwy a chaiff canlyniad teg ei gyflawni. Byddwch yn hysbysu cwsmeriaid drwy'r amser, yn gweithio ar y cyd ar draws y busnes ac yn cefnogi’r gwaith o gyflawni targedau cwsmeriaid, rheoleiddiol a pherfformiad. Perchnogi teithiau cwsmeriaid o’r dechrau i’r diwedd ar draws gwasanaethau gweithredol, rheoli disgwyliadau a sicrhau bod cwsmeriaid yn cael yr wybodaeth ddiweddaraf hyd at ddatrysiad. Rheoli a datrys ymholiadau a chwynion cymhleth neu sydd wedi’u huwchgyfeirio, gan gynnwys adolygiadau ac achosion sy'n ymwneud â'r Cyngor Defnyddwyr Dŵr. Ymchwilio i faterion yn drylwyr, nodi achosion sylfaenol a gweithio gyda thimau mewnol i gasglu tystiolaeth, cytuno ar y camau nesaf ac atal methiannau ailadroddus. Rheoli adborth cwsmeriaid a gweithgaredd dilynol i sicrhau canlyniadau boddhaol a chefnogi gwelliant parhaus. Dilyn prosesau uwchgyfeirio pan fo risg i ddisgwyliadau cwsmeriaid neu dargedau perfformiad, sicrhau bod gweithgaredd yn cael y sylw a’r blaenoriaethu priodol. Gweithio'n agos gydag Adfer Gwasanaeth, timau gweithredol, Cynllunio ac Amserlennu, y Gynghrair Rhwydwaith Dŵr a meysydd busnes eraill i ddatrys problemau a lleihau anghyfleustra i gwsmeriaid. Gweithredu yn unol â phrosesau, polisïau a gofynion rheoleiddio gwasanaeth cwsmeriaid, gan gynnwys mesurau C-MeX a B-MeX, Dangosyddion Perfformiad Allweddol (DPAau) a chanllawiau cwynion i’r Cyngor Defnyddwyr Dŵr. Cynnal cofnodion achosion cyflawn, cywir ac archwiliadwy ar draws systemau perthnasol, gan gynnwys SAP/C4C a MRS lle bo'n berthnasol. Dadansoddi tueddiadau achos ac achosion o anfantais i gwsmeriaid, rhannu mewnwelediadau ac argymhellion i wella adferiad gwasanaeth ac atal problemau ailadroddus. Mynychu cyfarfodydd a sgrymiau tîm i rannu diweddariadau, yr hyn a ddysgwyd a mewnwelediad i gwsmeriaid, ac ymgymryd â dyletswyddau eraill sy'n ofynnol i ddiwallu anghenion busnes. Amdanoch chi Byddwch yn canolbwyntio ar y cwsmer gydag empathi a thegwch, a gyda'r hyder i berchnogi materion cymhleth a gweithio arnyn nhw er mwyn eu datrys. Byddwch yn cyfathrebu'n glir, yn rheoli blaenoriaethau sy’n cystadlu yn erbyn ei gilydd ac yn meithrin perthnasoedd effeithiol gyda chydweithwyr a rhanddeiliaid ar draws y busnes. Profiad o ddatrys ymholiadau neu gwynion cwsmeriaid cymhleth neu sydd wedi’u huwchgyfeirio. Sgiliau cyfathrebu ysgrifenedig a llafar rhagorol, gyda'r gallu i wrando'n weithredol, addasu eich dull a llunio ymatebion clir a phroffesiynol. Sgiliau cryf er mwyn datrys problemau a dadansoddi achosion sylfaenol, gyda barn gadarn a phwyslais ar ganlyniadau teg i gwsmeriaid. Sylw cryf i fanylion a'r gallu i reoli llwyth achosion amrywiol, blaenoriaethau sy’n cystadlu yn erbyn ei gilydd a dyddiadau cau rheoleiddio. Sgiliau cryf wrth reoli rhanddeiliaid a meithrin perthynas, gyda'r gallu i gydweithio'n effeithiol ar draws timau. Dealltwriaeth dda o bolisïau, gweithdrefnau a rhwymedigaethau rheoleiddio sefydliadol, neu'r gallu i ddysgu'r rhain yn gyflym. Yn hyderus wrth ddefnyddio Microsoft Office a systemau rheoli achosion neu weithredol lluosog; byddai profiad o systemau SAP/ C4C neu systemau tebyg yn fuddiol. Dull gweithredu sy’n rhoi anghenion y cwsmer yn gyntaf, sy'n dangos empathi, atebolrwydd, proffesiynoldeb a didueddrwydd. Y gallu i weithio'n annibynnol ac fel rhan o dîm prysur, gan aros yn drefnus ac yn effeithiol mewn amgylchiadau heriol. Werth ei wybod Bydd angen i chi gymryd rhan mewn patrwm gweithio hyblyg 7 diwrnod o shifftiau rhwng 7am-7pm. Byddwch hefyd ar rota wrth gefn. Mae'r rhain yn destun newidiadau a gellir eu trafod yn fanylach adeg y cyfweliad Os hoffech gael rhagor o wybodaeth am y rôl, cysylltwch ag Buddion Yn ogystal â chyflog cystadleuol yn y farchnad, 34 diwrnod o wyliau blynyddol (pro rata, gan gynnwys gwyliau cyhoeddus), rydym yn cynnig ystod o fuddion a chydnabyddiaeth i weithwyr gan gynnwys: • Cynlluniau cyflog amrywiol (bydd eich band cyflog yn aros yr un fath, ond yn dibynnu ar berfformiad, gallech dderbyn cynnydd o fewn y band a chymhelliant blynyddol) • Opsiwn i brynu gwyliau blynyddol ychwanegol hyd at 5 diwrnod y flwyddyn • Cyfraniadau pensiwn cyflogwyr uwch – Hyd at 11% o gyfraniad cyflogwr • Gwasanaethau Broceriaeth Morgeisi Am Ddim • Gwell polisïau sy'n gyfeillgar i deuluoedd • Cyfleoedd dilyniant, gan gynnwys y gallu i wneud cais am raglenni hyfforddi ac anogaeth a mentora a ariennir • Gostyngiad ar aelodaeth campfa a ffitrwydd a siopau'r stryd fawr • Cynllun beicio i'r gwaith • Gostyngiad oddi ar holl ganolfannau atyniad ymwelwyr a siopau Dŵr Cymru • Cynllun prydlesu ceir a pharcio am ddim ar y safle ym mhob safle • Cynllun Iechyd Arian yn Ôl a mynediad at wasanaeth meddyg teulu ar-lein • Rhaglen cymorth gweithwyr i gyflogeion a'u teuluoedd agos • Mae llawer mwy i'w gweld ar ein gwefan. Oherwydd natur y diwydiant, mae angen geirda boddhaol, cliriad meddygol ar ôl y cynnig, a gwiriad Datgeliad Sylfaenol cofnodion troseddol ar bob gweithiwr newydd sy'n ymuno â'r busnes. Ar gyfer rhai rolau efallai y bydd angen gwiriadau ychwanegol a chliriad diogelwch, ac mae'r cynnig hwn yn amodol ar bob gwiriad yn cael ei fodloni. Byddwch yn derbyn rhagor o wybodaeth am sut i gwblhau'r gwiriadau hyn drwy e-bost ar ôl i chi dderbyn y cynnig. Pwy ydyn ni Mae Dŵr Cymru yn cadw 3 miliwn o bobl yn iach bob dydd gyda dŵr diogel, dibynadwy, ac yn mynd â dŵr gwastraff i'w lanhau, cyn ei ddychwelyd yn ddiogel i'n hafonydd a'n moroedd hardd. Er mwyn gallu darparu gwasanaethau hanfodol o ansawdd uchel sy'n helpu i ddiogelu iechyd ein cwsmeriaid, cydweithwyr a'n hamgylchedd, mae angen y bobl iawn arnom i gyflawni ein gweledigaeth. Mae hyn yn cael ei gyflawni trwy fyw ein gwerthoedd craidd ac arddangos yr ymddygiadau craidd sy'n sail iddynt. Mae diogelwch ein pobl, ein hasedau a'n gwybodaeth yn allweddol i ni, felly rydym yn chwilio am bobl sy'n deall ac yn cydymffurfio ag amcanion diogelwch gofynnol y cwmni. Gwyddom mai'r timau mwyaf llwyddiannus yw'r timau mwyaf amrywiol. Mae cydraddoldeb, amrywiaeth a chynhwysiant yn darparu sylfaen i'n diwylliant yn Dŵr Cymru. Rydyn ni eisiau i bob unigolyn deimlo'n hyderus, yn falch ac yn gallu bod yn nhw eu hunain yn y gwaith. Er mwyn sicrhau gwell cynrychiolaeth yn ein gweithlu, mae croeso arbennig i geisiadau gan grwpiau lleiafrifol gan gynnwys pobl Dduon, Asiaidd a Lleiafrifoedd Ethnig, Menywod, LHDT+, pobl anneuaidd a phobl ag anableddau. Gyda'n gilydd rydym yn parhau i greu gweithle sydd nid yn unig yn dathlu lleisiau amrywiol ein cydweithwyr ond hefyd yn cynrychioli pob cwsmer rydyn ni'n ei wasanaethu. Yn y bôn, mae ein cwmni yn seiliedig ar ymddiriedaeth, bod yn agored, parch, ymrwymiad a gonestrwydd. Cwmni y mae ein cydweithwyr yn falch o weithio iddo. Dŵr Cymru Cyf, cwmni cyfyngedig a gofrestrwyd yng Nghymru rhif 2366777. Swyddfa Gofrestredig: Heol Pentwyn, Nelson, Treharris, Morgannwg Ganol CF46 6LY © Dŵr Cymru Cyf 2019.